Жыхар Салігорскага раёна загінуў пры спробе разабраць боепрыпас
Мужчына знайшоў старыя боепрыпасы і прынёс іх у свой гараж. Паспрабаваў разабраць адзін са снарадаў, каб атрымаць з яго медзь, паведамляе абласная міліцыя.
Калі пілаваў боепрыпас, той выбухнуў. Ад атрыманых траўмаў мужчына памёр у бальніцы.
Мяркуючы па адным з фотаздымкаў, пры выбуху аскепак набою прабіў металічныя гаражныя вароты.