У Беларусі з'явілася новая гандлёвая сетка Oliva
Што там прадаюць?
У Беларусі з’явілася новая гандлёвая сетка прыгажосці і чысціні Oliva. Першую краму адкрылі ў Гомелі на вуліцы Барадзіна. Рытэйлер плануе пашыраць сетку і прыйсці ва ўсе рэгіёны краіны, піша Realt.
Фокус у краме зроблены на дэкаратыўнай і доглядавай касметыцы, парфумерыі, сродках гігіены і бытавой хіміі. Прадаюць таксама тавары для дома, дзяцей і хатніх жывёл.
Сетка Oliva належыць групе кампаній «Дабраном», якая вядомая магазінамі «Капеечка» і «МАЯК». На сёння гэта адзін з найбуйнейшых рытэйлераў у Беларусі.
У сетцы абяцаюць нізкія цэны.
Першая крама Oliva працуе ў Гомелі на вуліцы Барадзіна, 2.