Дзеці з Бараўлян знайшліся
«Пішуць, што дзеці з Бараўлянаў знайшліся. Добрая навіна», — напісала карыстальніца Трэдс, якая інфармавала ў сябе пра выпадак.
Пазней гэта пацвердзіў пошукавы атрад «Анёл», дзяцей знайшлі работнікі міліцыі. З імі усё добра.
Учора вечарам стала вядома, выхаванцы «SOS — Дзіцячая вёска Бараўляны» 12‑гадовы Дзмітрый Марчук і 10‑гадовы Арцём Рагалевіч каля 17:00 19 верасня пайшлі з дому ў невядомым кірунку.
Адзін з дзяцей быў у бэжавых шортах і бэжавай футболцы, другі — у шэрых штанах і блакітнай футболцы. Паехалі дзеці на горных роварах зялёнага і чорнага колераў.
Быў абвешчаны вышук.