Двое дзяцей прапалі ў Браслаўскім раёне, іх у лесе знайшла жанчына-грыбніца
Іх на раніцу знайшла неабыякавая жанчына, якая напярэдадні прачытала зводку пра знікненне.
Учора ў Браслаўскім раёне паблізу вёскі Ісаі зніклі 14‑гадовы Міхаcь і 10‑гадовы Арсень.
Дзеці гадуюцца ў прыёмнай сям’і і напярэдадні казалі, што хочуць паехаць да сябра ў Верхнядзвінск. Яны зніклі каля 21:00 у суботу.
У пошуках удзельнічалі ратавальнікі, супрацоўнікі міліцыі, Дэпартамента аховы і работнікі аддзела па адукацыі рэгіёну. Таксама да месца пошуку накіраваныя сілы рэспубліканскага атрада спецыяльнага прызначэння»ЗУБР».
Усяго было прыцягнута 25 адзінак тэхнікі, 117 чалавек, два сабакі і чатыры квадракоптары.
Іх знайшла сёння раніцай Юлія Кордыш.
«Пайшла ў лес у грыбы, і літаральна тут недалёка на горачцы двое дзяцей ідуць. Я бачыла ў СМІ, што іх шукаюць. Я кажу: «Хлопчыкі, вас шукаюць. Дзе вы былі?» Яна кажуць, што начавалі ў лесе недзе ў кустах», Кажуць мне: «Калі ласка, не выклікайце», — расказала жанчына МНС.
«Не, кажу, хадзем да мяне», — адказала жанчына.
Яна завяла хлопчыкаў да сябе, накарміла, а потым выклікала работнікаў МНС.