У Мінск вярнуліся рэйсы Turkish Airlines
Сёння ўначы Нацыянальны аэрапорт Мінск сустрэў вяртанне турэцкага перавозчыка на адзін з найбольш запатрабаваных авіямаршрутаў.
Фота: Мінскі аэрапорт
Самалёт авіякампаніі Turkish Airlines, які выканаў першы рэгулярны рэйс у межах адноўленай палётнай праграмы Стамбул — Мінск, паспяхова прызямліўся ў беларускай сталіцы паводле раскладу, паведамляе Мінскі аэрапорт у сваім тэлеграм-канале.
Самалёт сустрэлі традыцыйнай у такіх выпадках воднай аркай і караваем.
Урачыстае пераразанне чырвонай стужкі стала афіцыйным пачаткам адноўленай палётнай праграмы.
На першым этапе частата рэйсаў складзе 6—7 разоў на тыдзень — будуць выконвацца як начныя, так і дзённыя рэйсы.