Былы мэр Белгарада загінуў на вайне ва Украіне
У 2024 годзе яго судзілі за хабар.
Былы мэр Белгарада Канстанцін Паляжаеў, які кіраваў расійскім горадам у 2015—2019 гадах, загінуў на вайне ва Украіне, паведамляюць украінскія СМІ.
А ў 2024‑м яго прысудзілі да пяці гадоў калоніі па справе атрымання хабараў на суму 18 мільёнаў расійскіх рублёў (200 тысяч даляраў). Аднак незадоўга да прысуду Паляжаеў падпісаў кантракт з Мінабароны Расіі і адправіўся на вайну супраць Украіны. Пасля адпраўкі на фронт Апеляцыйны суд у РФ прыпыніў вытворчасць па яго справе.