Бацьку расійскага хакеіста НХЛ задзёр мядзведзь
Аляксандра Кузьменку санавіяцыяй даставілі ў бальніцу, аднак выратаваць яго не ўдалося.
Бацька расійскага форварда «Пітсбурга» Андрэя Кузьменкі загінуў пасля нападу мядзведзя ў Тыве.
62‑гадовы Аляксандр Кузьменка 22 верасня прыехаў з кампаніяй з сямі чалавек на рыбалку ў тайгу Таджынскага кажууна. У гэты час там дзейнічала забарона на паходы ў лес. Мядзведзь напаў на групу і нанёс мужчынам цяжкія траўмы твару, піша тэлеграм-канал Baza.
Кузьменку санавіяцыяй даставілі ў бальніцу Кызыла, аднак выратаваць яго не ўдалося.
Аляксандр Кузьменка шмат гадоў працаваў хакейным трэнерам у Расіі. Ён таксама трэніраваў уласнага сына Андрэя, які цяпер выступае ў НХЛ за «Пітсбург Пінгвінз».