Жыхар Краснаполля атруціўся грыбамі і памёр
39‑гадовы мужчына назбіраў у лесе грыбоў, днём паеў, а ўжо ўвечары адчуў рэзкае пагаршэнне самаадчування: пачаліся болі ў жываце, млоснасць, ваніты, дыярэя, агульная слабасць.
Фота: Дзяржкамітэт судовых экспертыз
Хуткая дапамога даставіла яго ў цэнтральную раённую бальніцу, а пасля перавялі ў Магілёўскую клінічную бальніцу. Аднак выратаваць пацыента не ўдалося — на сёмы дзень пасля ўжывання грыбоў ён памёр.
Экспертыза Дзяржаўнага камітэта судовых экспертыз Магілёўскай вобласці прыйшла да высновы, што смерць мужчыны наступіла ад вострага атручвання, ускладненага развіццём сіндрому поліарганнай недастатковасці.