Наталля Качанава прызналася, што ніколі ў жыцці не каштавала кавун
Нават ні кавалачка.
Старшыня Савета Рэспублікі сустрэлася з актывістамі праўладнага маладзёжнага крыла «Іскра» партыі «Белая Русь» і замежнымі маладзёжнымі дэлегацыямі і адказала на пытанні. Адзін з маладзёнаў задаў жартаўлівае пытанне: «Кавун ці дыня?»
Наталля Качанава паставілася да пытання з усёй адказнасцю: «Дыня. Я вам скажу наступнае. Я кавун у сваім жыцці ні разу не ела. Ні разу. Я нават не пакаштавала ні кавалачка. Нешта ў мяне ёсць супраць кавуноў. Толькі дыня. Я, напэўна, адзіны такі чалавек».