Раптоўна памёр 43‑гадовы камандзір узвода мінскага АМАПа
Прэс-служба МУС паведаміла пра развітанне з камандзірам узвода АМАП ГУУС Мінгарвыканкама Алесем Баканам. Пахавалі яго 28 верасня, а смерць адбылася два дні таму, 26 верасня.
Фота: прэс-служба МУС
Алесь Бакан нарадзіўся 27 жніўня 1983 года. У органах унутраных спраў служыў з 2004 года, у 2011‑м скончыў Магілёўскі вышэйшы каледж МУС. У яго засталіся жонка і 13‑гадовы сын.
Прычына смерці амапаўскага камандзіра не паведамляецца.
Фота: прэс-служба МУС
Пахаванне Алеся Бакана сярод іншых наведалі міністр унутраных спраў Іван Кубракоў, намеснік міністра — начальнік міліцыі грамадскай бяспекі Юрый Назаранка, кіраўнік ГУУС Мінгарвыканкама Міхаіл Грыб, іншыя міліцэйскія начальнікі з Мінска і рэгіёнаў.
Іван Кубракоў на пахаванні. Фота: прэс-служба МУС