На «Гродна Азоце» часова спыняць два цэхі
На «Гродна Азоце» 29 верасня спыняць два цэхі — «Аміяк-3» і звязаны з ім па сыравіне «Карбамід-3». На прадпрыемстве патлумачылі, што гэта неабходна для правядзення рэвізіі абсталявання.
Фота: БелТА
Падчас спынення цэха «Аміяк-3» і наступнага запуску ўстаноўкі будуць спальваць гаручыя рэчывы, якія ўваходзяць у склад тэхналагічнага газу. Гэта прадугледжана тэхналагічным рэгламентам і будзе адбывацца на факельнай устаноўцы.
Такія аперацыі могуць працягвацца некалькі сутак. Пасля іх завяршэння спальванне тэхналагічнага газу спыняць.
На прадпрыемстве запэўнілі, што пагрозы для горада, навакольнага асяроддзя, жыхароў і работнікаў няма.
Чытайце таксама:
Над «Гродна Азотам» запалае факел
Лукашэнка думае прапанаваць ЗША будаўніцтва азотнага камбіната
Беларусь уваходзіць у топ-10 сусветных экспарцёраў угнаенняў