Трамп патлумачыў, чаму КНДР можа мець ядзерную зброю, а Іран — не
«Кім Чэн Ын — мой сябар».
Кім Чэн Ын і Дональд Трамп, 2018 год. Фота: AP Photo / Evan Vucci, File
Прэзідэнт ЗША Дональд Трамп патлумачыў стаўленне да ядзерных праграм КНДР і Ірана асабістымі адносінамі.
Трампа ў аўторак спыталі, чаму Ірану нельга распрацоўваць ядзерную зброю, у той час як Паўночная Карэя ўжо валодае ёю.
«Кім Чэн Ын — ён мой сябар. Ён любіць Трампа. Ён мне падабаецца», — сказаў Трамп, калі журналіст папрасіў яго растлумачыць гэтую розніцу ў падыходах.
«Пакуль я тут, з ім усё будзе добра, — працягнуў Трамп. — Ведаеце чаму? Ён мяне паважае».