Кіеў зацягнула смогам з-за расійскіх удараў
Жыхароў горада заклікалі зачыніць вокны, а таксама ўключаць супрацьтуманныя фары ў аўтамабілях.
«Гэта наступствы папярэдніх абстрэлаў. Рэшткі дыму і сажы падняліся ў верхнія слаі атмасферы, а антыцыклон часова прыціскае іх да зямлі. Ветру цяпер амаль няма, таму паветра не цыркулюе, але як толькі вецер падхопіць гэты туман і выгляне сонца, усё паступова рассеецца», — паведамілі ў Дзяржаўнай службе Украіны па надзвычайных сітуацыях.
Жыхароў горада заклікалі зачыніць вокны, а таксама ўключаць супрацьтуманныя фары ў аўтамабілях, паведамляе «Дождь».
Раней улады паведамлялі, што ў Кіеве і вобласці ў выніку атак загінулі тры чалавекі, яшчэ сем пацярпелі, сярод іх дзіця.