Кіроўца загінуў у ДТЗ у Мінску, машына ўрэзалася ў слуп
Няшчасце здарылася сёння днём на вуліцы Ляшчынскага, паведамляе ДАІ.
45‑гадовы кіроўца аўтамабіля Hyundai каля дома №2 на вуліцы Ляшчынскага выехаў за межы праезнай часткі, пасля чаго ўрэзаўся ў ліхтар.
Папярэдне, мужчыну стала дрэнна падчас руху.
Нягледзячы на рэанімацыйныя мерапрыемствы, праведзеныя медыкамі на месцы здарэння, кіроўца памёр.