На Нямізе прадаюць гістарычны будынак 19 стагоддзя
У Мінску на Нямізе на аўкцыён выставілі гістарычны будынак пачатку XIX стагоддзя. Пачатковая цана — 2,6 млн рублёў, піша Realt.
Трохпавярховы будынак знаходзіцца на Ракаўскай, 12А. Гэта наўпрост за белым доўгім домам на Нямізе, які называюць домам Мусінскага.
Гэты будынак з'яўляецца гісторыка-культурнай каштоўнасцю. Пабудаваны ў пачатку XIX стагоддзя. Зараз у ім размешчаныя офісы.
Належыць гэты будынак дзяржаўнай кампаніі БелВТІ, якая займаецца перапрацоўкай адходаў.
Плошча — 522 квадратныя метры. Пачатковая цана — 2,607 мільёна даляраў (каля 867 тысяч даляраў).
Разам з будынкам да новага ўласніка пяройдуць і дзеючыя дамовы з арандатарамі.
Таргі праводзіць Мінскі абласны цэнтр інвестыцый і прыватызацыі.