Хуткасны цягнік паміж вакзалам і аэрапортам у Мінску запусцяць праз 2‑3 гады
Прыкладны час у дарозе ад цэнтра сталіцы да аэрапорта складзе каля 30 хвілін.
Хуткасны цягнік са станцыі Мінск-Пасажырскі ў Нацыянальны аэрапорт Мінска плануюць запусціць у 2028—2029 гадах. Пра гэта на «Радыё-Мінск» расказаў кіраўнік адміністрацыі Кастрычніцкага раёна Эдуард Тамільчык, паведамляе агенцтва «Мінск-Навіны».
Са слоў Тамільчыка, цягнікі будуць ісці праз Гарадзішча і індустрыяльны парк «Вялікі камень». Агульная працягласць маршруту складзе 41 км, а прыкладны час у дарозе ад цэнтра сталіцы да аэрапорта — каля 30 хвілін.
Чыгуначную лінію падвядуць да аэрапорта, каб пасажырам з багажом не трэба было ісці далёка.