Падчас удару па Харкаве загінулі два чалавекі
Беспілотнік трапіў у шматкватэрны дом.
Мэр Харкава Ігар Церахаў паведаміў, што ў выніку ўдару расійскага дрона тыпу «Бандэроль» па Індустрыяльным раёне загінулі два чалавекі, яшчэ некалькі атрымалі раненні.
Церахаў піша, што беспілотнік трапіў у шматкватэрны дом.
Пры гэтым кіраўнік Харкаўскай абласной адміністрацыі Алег Сінягубаў спачатку таксама паведаміў пра ўдар па шматкватэрным доме, а затым адзначыў, што ў Індустрыяльным раёне «загарэўся адміністрацыйны будынак і два аўтамабілі».