На пажары ў Ваўкавыскім раёне загінулі два браты
Пажар здарыўся ўчора ўвечары ў вёсцы Леснякі.
Пры ліквідацыі пажару ратавальнікі знайшлі ў доме абгарэлыя целы двух мужчын. Мяркуецца, што загінулыя — браты (39 і 44 гадоў), якія пражывалі разам, паведамляе СК.
На месцы здарэння працавала следча-аператыўная група.
Першасныя следчыя дзеянні паказалі, што ачаг узгарання знаходзіўся ў жылым пакоі — на канапе, дзе было выяўлена цела аднаго з мужчын.
Паводле слоў суседзяў, браты злоўжывалі спіртнымі напоямі і сістэматычна курылі ў памяшканні.
Разглядаецца некалькі версій узнікнення пажару, асноўная з якіх — неасцярожнае абыходжанне з агнём падчас курэння.