Увішны пенсіянер прышыў ногі грошам, пакінутым на касе
Выпадак у Жодзіне.
У адной з крам горада Жодзіна адбыўся крадзеж: 71‑гадовы мясцовы жыхар таемна забраў 100 рублёў, якія пенсіянерка пакінула на касе, паведамляе міліцыя.
Як высветлілі міліцыянеры, грошы належалі жыхарцы Жодзіна — жанчына ненадоўга пераключыла ўвагу, і ў гэты момант грошы былі скрадзеныя. У ходзе аператыўных мерапрыемстваў выкрадзенае ўдалося канфіскаваць.
Ну і працавала відэакамера проста над касай.
Следчыя распачалі крымінальную справу па факце крадзяжу.