Пад Гомелем шукаюць збеглага паўліна
У Гомельскім раёне сям’я з пасёлка Цагельня шукае зніклага паўліна, які быў іх хатнім гадаванцам. Пра знікненне экзатычнай для Беларусі птушкі паведаміў яе гаспадар Андрэй, піша Fishing.by.
Паводле яго слоў, апошні раз паўліна бачылі ў лесе недалёка ад пасёлка. Цяпер ён можа знаходзіцца ў раёне 104‑га мікрараёна Гомеля, у тым ліку каля Паўднёвага і размешчаных побач дачных масіваў, а таксама каля вёсак Кантакузаўка і Клімаўка.
Гаспадар падкрэслівае, што для сям’і паўлін — не проста прыгожая птушка, а сапраўдны член сям’і, якога яны вельмі чакаюць дома. Тых, хто ведае нешта пра яго месцазнаходжанне, просяць паведаміць гаспадару.
Кантакт гаспадара можна атрымаць па запыце. За дапамогу ў адлове паўліна абяцаюць грашовую ўзнагароду.
Чытайце таксама:
У Гомелі ў вытворчы цэх прыйшоў паўлін ФОТАФАКТ
Мінчанка завяла мілага пеўня замест сабакі, гуляе з ім па горадзе і заходзіць у кафэ