КНДР выпрабавала балістычную ракету і заявіла пра «вялікі поспех»
12 кастрычніка Галоўнае ўпраўленне ракетабудавання КНДР правяло выпрабавальны запуск тактычнай балістычнай ракеты. Пра гэта 13 кастрычніка паведаміла дзяржаўнае агенцтва ЦТАК.
Паводле паведамлення, запуск меў пацвердзіць вынікі тэхнічнага абнаўлення «важнага асноўнага элемента». Яго назву і характарыстыкі агенцтва не раскрыла.
Упраўленне назвала абнаўленне «вялікім поспехам», які адкрывае шлях да істотнага паляпшэння ўсіх сістэм наступальнага ўзбраення.