Зяленскі: Украіна адновіць удары па расійскіх НПЗ
«Забарона знятая. З нас досыць», — заявіў ён.
Фота: Francisco Seco / AP
Зяленскі заявіў, што Украіна адновіць удары па расійскіх НПЗ. Пра гэта прэзідэнт Украіны расказаў FT у інтэрв’ю падчас свайго візіту ў Лондан, піша РБК-Украіна.
Паводле яго слоў, Кіеў тры дні ўстрымліваўся ад удараў па энергетычнай інфраструктуры, але Масква працягвала атакаваць украінскую энергетыку. За тыдзень загінулі больш за 100 мірных жыхароў.
«Забарона знятая. З нас досыць», — заявіў ён.
Зяленскі таксама расказаў, што амерыканскія вайскоўцы папярэдзілі ўкраінскіх калег пра блакаванне разведвальных даных у выпадку працягу ўдараў, а праблемы са Starlink назваў не тэхнічным збоем, а «воляй».
Спыніць удары ён пагадзіўся б толькі ў абмен на дадатковыя ракеты Patriot.