У Магілёве ўвадначас памерлі двое пажылых людзей
У Магілёве высвятляюць абставіны гібелі двух чалавек, целы якіх знайшлі ў прыватным доме ўвечары 19 кастрычніка. Загінулымі аказаліся 60‑гадовая гаспадыня дома і яе 66‑гадовы сужыцель. На іх целах не было бачных прыкмет гвалтоўнай смерці, піша Magilev.by.
Для высвятлення дакладных прычын смерці прызначылі судова-медыцынскія і хімічныя экспертызы. Спецыялісты таксама правераць, ці былі ў арганізме загінулых атрутныя рэчывы.
Паводле папярэдніх звестак, жанчына памерла ў выніку атручвання этылавым спіртам, а мужчына — ад вострай сардэчнай недастатковасці.