Перамовы Пуціна і Уіткафа пачаліся з вызвалення 74‑гадовага амерыканца з расійскай турмы. Як і абяцаў Трамп
Напярэдадні прэзідэнт ЗША запэўніў журналістаў, што «нікому іншаму не ўдалося б» дабіцца вызвалення Стывена Хабарда. Таго ў Расіі асудзілі за найміцтва.
Стывена Хабард
Расія адпусціла амерыканца Стывена Хабарда. Пра гэта паведаміў расійскі бок.
Паводле Пуціна, Хабард ужо знаходзіцца ў аэрапорце Пулкава. Стыў Уіткаф падзякаваў расійскаму кіраўніку за вызваленне.
Напярэдадні, 20 кастрычніка, Трамп заявіў, што асабіста абмяркоўваў з Пуціным вызваленне Хабарда і прасіў адпусціць яго. На пытанне пра падрыхтоўку дамоўленасці ён адказаў: «Ніхто іншы не змог гэтага зрабіць». «Я раблю тое, чаго не можа зрабіць ніхто іншы», — дадаў Трамп.
74‑гадовы Хабард — настаўнік-пенсіянер, якога ў 2024 годзе асудзілі ў Расіі на шэсць гадоў і дзесяць месяцаў калоніі — нібыта ён ваяваў на баку Украіны.