Названы ўладальнік прэміі імя Сахарава ў гэтым годзе

Прэмія імя Сахарава сёлета прысуджана Міжнароднаму крымінальнаму суду і яго службовым асобам.

Фота: Pierre Crom / Getty Images

Прэмія будзе ўручана «за іх важную працу па падтрыманні міжнароднага права і правасуддзя»,паведамілаў сацыяльнай сетцы X старшыня Еўрапейскага парламента Раберта Метсола.

The 2026 Sakharov Prize has been awarded to the @IntlCrimCourt and its officials, for its important work in upholding international law and justice. The ceremony will take place in December. Our Sakharov family also welcomes Tundu Lissu from Tanzania, and Taraneh and Romina Rahimi, on behalf of all those persecuted by the Iranian Islamic Regime.

— Roberta Metsola (@EP_President) October 22, 2026

Таксама ў гэтым годзе на прэмію прэтэндавалі лідар апазіцыі Танзаніі Тунду Лісу, якому пагражае смяротнае пакаранне, і дзве іранкі, прысуджаныя на радзіме да смяротнага пакарання.

Прэмію імя Андрэя Сахарава за свабоду думкі ўручаць 16 снежня ў Страсбургу. З 1988 года Еўрапарламент прысуджае яе асобным асобам і арганізацыям, якія выступаюць за правы чалавека і свабоду слова. Памер грашовага ўзнагароджання складае 50 000 еўра.

Прадстаўнікі Беларусі ўзнагароджваліся прэміяй некалькі разоў: у 2004 годзе — Беларуская асацыяцыя журналістаў, у 2006 годзе — Аляксандр Мілінкевіч, у 2020 годзе — дэмакратычная апазіцыя Беларусі.

Летась прэмію падзялілі журналіст Андрэй Пачобут, які быў тады ў зняволенні, і грузінская журналістка Азія Амаглабелі, якая таксама знаходзілася ў зняволенні.

Каментары да артыкула