У Астравецкім раёне 65‑гадовы вясковец страляў у міліцыянераў. Яго забілі
Здарэнне адбылося сёння ноччу ў вёсцы Старая Рудня.
У міліцыю паступіла інфармацыя, што 65‑гадовы жыхар вёскі захоўвае незарэгістраваную паляўнічую стрэльбу, якой пагражае суседзям. Міліцыянеры разам з байцамі атрада спецыяльнага прызначэння «Цыклон» выехалі па месцы яго жыхарства, паведамляе прэс-служба МУС.
Адзначаецца, што ўбачыўшы сілавікоў, мужчына аказаў узброены супраціў і стрэліў у супрацоўнікаў.
Супраць яго прымянілі зброю, мужчыну застрэлілі.
Падчас агляду яго дома была знойдзеная самаробная зброя.