У ЗША ўжо плыве першы танкер з расійскім дызелем
Расія адправіла партыю дызелю ў ЗША — танкер пад сцягам Мальты з 40 тысячамі тон паліва накіроўваецца ў Нью-Ёрк, паведамляе Reuters са спасылкай на LSEG.
Ілюстрацыйнае фота: Thierry Monasse / Getty Images
Танкер быў загружаны ў расійскім балтыйскім порце Прыморск 22 кастрычніка. Чакаецца, што ён прыбудзе ў Злучаныя Штаты 7 лістапада.
Расія пагадзілася зняць самаабмежаванне на экспарт дызельнага паліва і пастаўляць паліва на сусветныя рынкі, у тым ліку ў ЗША, пасля дамоўленасці, дасягнутай паміж прэзідэнтам Расіі Уладзімірам Пуціным і Трампам.
Трамп спрабуе знізіць цэны на дызельнае паліва напярэдадні прамежкавых выбараў у ЗША 3 лістапада.
Расія зможа павялічыць экспарт дызельнага паліва да 3—3,5 мільёна тон у месяц да канца года, заявіў на мінулым тыдні віцэ-прэм'ер Расіі Аляксандр Новак.