Дзве жанчыны танчылі ў Гомелі проста пасярод дарогі
Відэа ў сацсетках міліцыя пабачыла падчас маніторынгу інтэрнэту.
Міліцыя палічыла, што жанчыны ствараюць аварыйную сітуацыю і падвяргаюць уласнае жыццё небяспецы, паведамляе абласная міліцыя. Танцоўшчыц хутка знайшлі.
Гэта былі 40‑гадовая жыхарка Гомеля і 42‑гадовая жыхарка раёна.
На іх накладзены штраф за адміністрацыйнае правапарушэнне, прадугледжанае ч. 3 арт. 18.20 КаАП (стварэнне аварыйнай абстаноўкі).
Памер штрафу міліцыя не паведаміла, але ён складае ад 3 па 8 базавых (135—360 рублёў).