Двух беларусаў падазраюць у планаванні дыверсій пад нямецкім Нюрнбергам
Нямецкія спецслужбы сцвярджаюць, што двое мужчыны ўдзельнічалі ў планаванні серыі нападаў на чыгуначную і энергетычную інфраструктуру ў раёне Нюрнберга, яны арыштаваныя, піша Welt.
Мюнхенская пракуратура расследуе справу двух беларусаў, гэта выданню пацвердзілі крыніцы ў сілавых структурах.
Двое мужчын ва ўзросце 39 і 50 гадоў падазраюцца ў спробе падпалу каля чыгуначнай каляіны і лініі электраперадачы.
Абодва падазраваныя знаходзяцца пад вартай з пачатку кастрычніка.
Паводле звестак Welt, гэта тыя самыя мужчыны, якія знаходзяцца пад следствам румынскіх органаў бяспекі. Абодва нібыта былі датычныя да падпалу прамысловага парку ў горадзе Брашаве ў ноч на 14 верасня.