Ажыятаж у мінскіх аптэках
Людзі скупляюць медыкаменты па старых цэнах.
Раней лекі закупляліся па заніжаным афіцыйным курсе рубля. Ад 20 кастрычніка адбылася афіцыйная яго дэвальвацыя з 5700 да прыкладна 8700 за даляр. Гэта прывядзе да рэзкага ўздаражэння лекаў. Таму людзі спяшаюцца набыць імпартныя сродкі ў запас.
Ажыятаж назіраецца і з некаторымі іншымі таварамі. Гэтак, у некаторых крамах зніклі запалкі.
Людзі ратуюць ашчаджэнні ад абясцэньвання хто як можа. Раней назіраліся хвалі ажыятажнага попыту на цукар, алей, крупы, мяса. Неўзабаве пасля таго дадзеныя прадукты сапраўды даражэлі.