Сёння ў Мінску выступіць Горан Брэгавіч
Канцэрт пройдзе ў Палацы Рэспублікі.
У Беларусь знакаміты сербскі музыкант і кампазітар прыедзе са сваім вясельным і пахавальным аркестрам. Канцэрт будзе суправаджацца Прэзідэнцкім аркестрам Беларусі.
Горан Брэгавіч выканае ўсе свае самыя лепшыя песні. Са сцэны Палаца рэспублікі прагучаць як творы з альбомаў Брэгавіча, так і музыка, напісаная ім да фільмаў Эміра Кустурыцы і іншых рэжысёраў.
Як паведамляе сайт Палаца рэспублікі, у продажы засталіся квіткі ад 225 да 285 тыс. рублёў.