Лучайскі фэст — 19 мая
19 мая 2012 у касцёле Святога Юды Тадэвуша ў Лучаі (Віцебская дыяцэзія, Пастаўскі раён) адбудзецца ўрачыстая святая імша, якая пачнецца ў 16:30.
Свята прымеркаванае да парафіяльнага фэсту ў гонар святога Андрэя Баболі, апостала Палесся. Запрошаныя шматлікія госці і святары.
Літургію ўпрыгожыць спевам хор з парафіі Дзеркаўшчына. Пасля святой імшы плануецца канцэрт з удзелам Андруся Такінданга і гурта «РЭХА», будзе дзейнічаць «Вёска майстроў».
Лучай знаходзіцца каля трасы Вільня — Полацк. Ад Паставаў у бок Глыбокага — каля 10 км.