«Сіняя кніга беларускага алкаголіка» — прэзентацыя, 20 верасня

20 верасня (чацвер) адбудзецца прэзентацыя кнігі Антона Кулона «Сіняя кніга беларускага алкаголіка».

У імпрэзе возьмуць удзел: Аксана Спрынчан, Юрась Пацюпа, Мікола Касцюкевіч, Алесь Камоцкі, Сяргей Вераціла.

Уваход — вольны. Пачатак, а 19-й. Адрас: Мінск, Кнігарня «ЛогвінаЎ) (пр-т Незалежнасці, 37а).

Антон Кулон гэта прайшоў і ўсім не раіць. Кніга падзеленая на дзве ўмоўныя часткі: «п’яныя прыгоды» і «вызваленне ад залежнасці». «Алкагалічная» палова кнігі: культурніцкая тусоўка Мінска 70-х і 80-х: пісьменнікі Габрусёў і Стральцоў, гуру багемы Кім Хадзееў. Што, дзе, па колькі на брата.

У другой частцы аўтар спрабуе глянуць па-новаму на гэты асаблівы шлях і на людзей, якія ідуць тою цяжкой сапраўды ваеннай дарогай. Аўтар адкідае стэрэатыпныя пагляды на алкагольную праблему ды сцвярджае: алкагольная залежнасць — сур’ёзнае захворванне, алкаголік — гэта не нейкі там чужы, сметнікавы бомж, а ваш блізкі сябра, ваш знаёмы пісьменнік, мастак, славуты рок-музыка ці оперны спявак. А мажліва — гэта вы.

Каментары да артыкула