З'явіліся дадатковыя квіткі на «Ляпісаў» у Вільні
Праўда, без візавай падтрымкі.
27 кастрычніка гурт «Ляпіс Трубяцкой» прэзентуе альбом «Рабкор» у віленскай Pramogu Arena.
«У апошнія дні нам давялося «пашырыць зал» Pramogu Arena і надрукаваць яшчэ 60 квіткоў для беларусаў. — кажа прадстаўнік гурту Аляксандр Бергер. — Жадаючых вельмі шмат, таму мы перадалі сайту kvitki.by дадатковыя квіткі".
Візавая падтрымка на дадатковыя квіткі не распаўсюджваецца — бо, як патлумачылі «НН» на сайце kvitki.by, зрабіць візу за пяць дзён нерэальна.