Памяць паўстанцаў 1863 г. ушануюць у Свіслачы
У Свіслачы на Гарадзеншчыне 27 кастрычніка грамадскасць ушануе памяць паўстанцаў 1863 года.
Штогод у апошні тыдзень кастрычніка людзі з усёй Беларусі, якім дарагія ідэалы паўстання 1863 года, з'яжджаюцца ў Свіслач Гродзенскай вобласці, каб ускласці кветкі на магілу Віктара Каліноўскага, да помніка Кастусю Каліноўскаму, Рамуальду Траўгуту, а таксама наведаць Якушоўку, дзе нарадзіліся браты Каліноўскія.
Традыцыйна такое ўшанаванне сканчаецца святочным канцэртам беларускіх бардаў, які арганізатары плануюць і сёлета.