Канцэрт у падтрымку Аляксандра Малчанава — 20 лістапада
У аўторак 20 лістапада ў 18–00 на сядзібе БНФ (Мінск, вул. Чарнышэўскага, 3) у межах «Марафону салідарнасці з беларускімі палітвязнямі» адбудзецца канцэрт барда Рамана Абрамчука. На гэтым канцэрце, а таксама 27 лістапада, можна зрабіць ахвяраванні для Аляксандра Малчанава, які цяпер адбывае пакаранне ў калоніі №14 у пасёлку Навасады ў Барысаўскім раёне.
***
9 красавіка 2012 года Аляксандр Малчанаў быў асуджаны на паўтара года калоніі ўзмоцненага рэжыму за крадзеж металалому з тэрыторыі завода. У судзе Малчанаў паведаміў, што зарабляў продажам металалому на жыццё, бо яго нікуды не бралі на працу, калі даведваліся, што раней ён быў асуджаны за ўдзел у падзеях 19 снежня 2010 года.
У 2011 годзе за Плошчу Аляксандр Малчанаў быў асуджаны на 3 гады зняволення. Быў памілаваны Аляксандрам Лукашэнкам.