Tydzień prymulcieńnia
«Velijant: ptušyny specnaz» («Valiant»)
Vialikabrytanija, 2005, kalarovy, 109 chv.
Žanr: animacyjnaja kamedyja.
Adznaka: 4 (z 10).
Na frantach Druhoj suśvietnaj hieraična zmahajucca brytanskija hałuby. Juny hołub Velijant prachodzić admysłovuju padrychtoŭku — i ŭ kampanii hałubinaha specnazu zakidvajecca ŭ akupavanuju Francyju. Ad podź- vihaŭ ptušynaj bryhady zaležyć sychod vajny…
Brytanskaja karcina reklamavałasia jak padarunak ad stvaralnika «Šreka».
Juny hołub — brytanski pijaner-hieroj. Niamiecki bok pradstaŭleny jastrabami, jakija točać kipciury j śpiavajuć pad Vahnera. Asobnaja razynka — hierainia francuskaha supracivu, myška Šarl de Hiorł.
Karcina, raźličanaja na patryjatyčnaje vychavańnie dziesiacihadovych brytanskich dzietak, spadabajecca i biełaruskim. Ale režyseru Hary Čepmenu da «Šreka» daloka: hrubyja žartački, namioki na vajennyja filmy.
∎
«Čuča» (častki 1, 2, 3)
Rasieja, 1997—2004, kalarovy, 25, 26 i 29 chv.
Žanr: animacyjnaja kazka.
Chłopčyk zrabiŭ sa starych niepatrebnych rečaŭ vielmi patrebnuju nianiu — Čuču. I jana ažyła…
Režyser Hary Bardzin — žyvy klasyk multyplikacyjnaha kino, bliskučy vydumnik i vynachodnik. Pad jahonymi rukami ažyvali zapałki, viaroŭki, aryhami. Bardzinaŭski «Čyrvony Kapturok end Šery voŭk» staŭsia kultavym multfilmam.
«Čuča» — sapraŭdny padarunak i dla dziaciej, i dla darosłych.
Film užo adznačany premijami Čechii, Italii, Rasiei.