Adam byŭ kataloncam
Hišpanskija paleantolahi znajšli la Barselony čerap, jaki moža naležać nieviadomamu raniej ahulnamu prodku čałavieka i małpy.
Žyŭ jon 14 młn hadoŭ tamu. Čerap zachavaŭsia amal niekranuty. Letaś u Katalonii ŭžo byli znojdzienyja akamianiełyja pareštki prymata, jaki, nibyta, byŭ pierachodnaj formaj miž małpaj i čałaviekam. Travajadnuju paŭmałpu-paŭčałavieka, što žyła 13 miljonaŭ hadoŭ tamu, nazvali Paŭ, albo Piralapitek Katalonski (Pierolapithecus catalunicus). Miarkujuć, što jon byŭ padobny na sučasnych šympanze, umieŭ svabodna łazić pa drevach i chadzić na abiedźviuch nahach. Rost Paŭ mieŭ 1,20 m, vaha — 35 kh.
Da niadaŭniaha času navucy byli viadomyja vymierłyja małpy, jakija stali prodkami ludziej, i staražytnyja ludzi, jakija ŭ vyniku evalucyi pieratvarylisia ŭ homo sapiens. Ale jakaja istota źviazvała hetyja dva etapy, sumiaščajučy ŭ sabie małpu i čałavieka, zastavałasia nieviadoma, što nie dazvalała ličyć teoryju sera Čarłza Darvina kančatkova paćvierdžanaj.