«Amierykanski idał» Adam Łambiert jedzie ŭ Minsk

15 sakavika, Pałac sportu.

15 sakavika ŭ Pałacy sportu adyhraje kancert Adam Łambiert — akcior, śpiavak, i adzin z hałoŭnych maładych pop-vykanaŭcaŭ ZŠA, jaki paśpieŭ za try hady zapisać dva albomy i pabyć vakalistam Queen.

Adam Łambiert staŭ papularnym, dziakujučy telešou American Idol (takaja sabie «Fabryka zorak»).

Staŭšy samym papularnym vykanaŭcam za ŭsiu historyju «Amierykanskaha idała», Łambiert rušyŭ dalej — za try hady zapisaŭ dźvie solnyja kryžełki (pieršaja razyšłasia nakładam 2 000 000 asobnikaŭ), a paśla pabyŭ vakalistam hurtu Queen, ź jakimi taksama prakaciŭsia pa śviecie. Krytyki aburalisia Łambiertam za kapijavańnie Fredzi Merkury, a hledčy aburalisia krytykami.

Ciapier Łambiert kančatkova syšoŭ u volnaje płavańnie, i voś u sakaviku dabiarecca da Minska. Na kancertach jon vykonvaje svaje pieśni (darečy, da pytańnia jakasnaj pop-muzyki) i samyja niečakanyja kaviery — ad Boba Marli da U2.

Košt kvitkoŭ ad 340 tysiač da 1,1 miljona rubloŭ.

Kamientary da artykuła