-13, -15, -18, -25... Ad paniadziełka marazy buduć štodnia macnieć
Nastupny tydzień budzie niebiaśpiečna ściudzionym. Varta padrychtavać transpart i dziaciej.
Dalejšaje ŭzmacnieńnie marazoŭ abiacajuć sinoptyki. U paniadziełak u Minsku da minus 13, u Viciebsku — da minus 15. Pryčym heta ź viatryskam, jaki budzie źnižać kamfortnaść jak da minus 20.
Nastupnyja dni budzie jašče chaładniejšymi. U Minsku ŭ aŭtorak i sieradu da minus 16 unačy, minus 14 udzień.
A pad nastupnyja vychadnyja tempieratury apuściacca da minus 21—26 va ŭsioj krainie. Bałazie, zaviruchi sucišacca.
Ad sierady marazy nakryjuć taksama zachad krainy: Brest i Hrodna, dzie pakul trymajucca miakkija tempieratury.
Varta padrychtavać transpart, być hatovymi da taho, što mašyny mohuć nie zavodzicca, a hramadski transpart budzie pierapoŭnieny. Na darohach budzie ŭźnikać hałalod. Dzieciam varta dobra patłumačyć praviły razumnych pavodzinaŭ na marozie.
Buduć i radaści: ad aŭtorka momantami pačnie prahladać sonca.
A voś na katalickaje Božaje Naradžeńnie sinoptyki čakajuć paŭnavartaj adlihi ź plusavymi tempieraturami i ŭsimi radaściami hrypu, jakija takija adlihi supravadžajuć.