U sieradu adliha, a na Vadochryšča maroz dasiahnie minus 22
Uładalnik dyzielnych aŭtamabilaŭ čakali siońniašniaj ranicy z tryvohaj. Sinoptyki abiacali maroz da minus 18, a pry takich tempieraturach nie ŭsie mašyny dziejničajuć. Adnak słupok termomietra tak nizka nie apuściŭsia. U Minsku było minus 13, Viciebsku — minus 15. U Breście ŭvohule minus 6.
Hety tydzień budzie vyłučacca vahańniami tempieratury. U sieradu jana padnimiecca prykładna da nula. Projdzie śnieh, a miescami — ledziany doždž.
Čarhovaje ž uzmacnieńnie marazoŭ prahnazujecca akurat na Vadochryšča. U noč z suboty na niadzielu, z 19 na 20 studzienia, jak čakajecca, pachaładaje da minus 22 u Minsku i Hrodnie, minus 23 u Viciebsku, minus 21 u Mahilovie, minus 16 u Breście i Homieli. Tak što prykazka pra vadochryščanskija marazy sioleta maje šaniec całkam spraŭdzicca.