«Vieršy na asfalcie»: u Minsku projdzie vialiki mižnarodny paetyčny fiestyval
14-16 lutaha ŭ Instytucie Hiote
14 lutaha pačniecca Druhi fiestyval pamiaci Michasia Stralcova pad nazvaj «Vieršy na asfalcie» — trochdzionny paetyčny marafon maje ŭsie šancy stać adnoj z samych hučnych litaraturnych imprez 2013 hoda. «Naša Niva» źviarnułasia da paeta Andreja Chadanoviča, kab daviedacca, jakija cikavostki čakajuć sioleta amataraŭ paezii.
«Naš fest pravodzicca ŭ druhi raz. — kaža spadar Chadanovič. — U minułym hodzie my takim čynam adhuknulisia na kruhłuju datu —
U fiestyvala niekalki metaŭ, aproč ušanavańnia pamiaci Michasia Stralcova.
«
My chočam stvaryć dyjałoh pamiž litaratarami roznych pakaleńniaŭ. — kaža Andrej Chadanovič. — Bo zaraz litaratary čaściakom isnujuć u zamknionych tusoŭkach, i nie čujuć adzin adnoha. Da taho ž Minsk musić mieć vialiki paetyčny fiestyval, jaki b adbyvajusia štohod. Byli sproby z „Vialikim kniastvam paezii“ i „Paradkam słovaŭ“, miarkuju, hetyja fiestyvali jašče viernucca, ale Stralcoŭski fiestyval ništo nie zamienić».
Pa słovach Andreja Chadanoviča, sioleta fiestyval budzie mižnarodnym — na jaho pryjeduć paety z Hiermanii, Litvy, Rasii, Ukrainy, Šviecyi, upieršyniu zavitajuć estoncy.
Pieršy dzień budzie addadzieny pad mižnarodny paetyčny słem, druhi dzień — tradycyjnyja paetyčnyja čytańni, a na treci dzień adbudziecca niekalki prezientacyj, u tym liku knižnych sieryjaŭ «Kniharnia piśmieńnika» i «Punkt padliku». Na fiestyvali sustrenucca paety roznaha vieku — ad žyvych kłasikaŭ da samych maładych aŭtaraŭ. Da taho ž, na treci dzień festu budzie prezientavacca kniha pieramožcaŭ konkursa imia Česłava Miłaša —
kniha pad pravakacyjnaj nazvaj «Ptuški lohkich pavodzinaŭ», a taksama adbudziecca ŭznaharodžańnie pieramožcaŭ konkursa imia Maksima Tanka.
«Naš fest maje nazvu „Vieršy na asfalcie“, ale, miarkujučy pa nadvorji, pravilniej było b nazvać jaho „Vieršy na śniezie“. — śmiajecca spadar Chadanovič. — Adnak paety i amatary paezii — ludzi