Vystava «Sustrečy z Hofmanam» u muziei Ja.Kupały — 24 studzienia

24 studzienia, a 17-j hadzinie Dziaržaŭny litaraturny muziej Janki Kupały zaprašaje na ŭračystaje adkryćcio vystaŭki «Sustrečy z Hofmanam» u ramkach Mižnarodnaha vystavačnaha prajekta «Hafmanijana», što abjadnaŭ 3 muziei: Kalininhradski abłasny historyka-mastacki muziej, Dziaržaŭny litaraturny muziej Janki Kupały i Dziaržaŭny litaraturna-miemaryjalny muziej Jakuba Kołasa.

Upieršyniu Hofman «źjaviŭsia» ŭ Kalininhradskim abłasnym historyka-mastackim muziei ŭ 2006 hodzie ŭ jakaści «cudoŭnaha piśmieńnika, muzyki, mastaka»: vystaŭka z fondaŭ Hofman-centra h. Bambierha pradstaviła naviedvalnikam šerah sapraŭdnych dakumientaŭ pra žyćcio i tvorčaść dziejača. I voś užo na praciahu 7 hadoŭ prajekt jadnaje amataraŭ tvorčaści Ernsta Teadora Vilhielma Hofmana. U vystaŭkach pryniali ŭdzieł bolš za 90 mastakoŭ, kala 1000 rabot žyvapisu, hrafiki, skulptury, dekaratyŭna-prykładnoho mastactva, instalacyj, aŭtarskich lalek adlustroŭvali pieraborlivuju, mudrahielistuju naturu Fantazusa, hałoŭnaha hieroja tvoraŭ piśmieńnika. Vystavačny prajekt dapamoh adkryć novyja imiony talenavitych aŭtaraŭ. Sotni naviedvalnikaŭ muzieja źviarnulisia da knih Hofmana. A čytajuć jaho tyja, chto choča viedać praŭdu ab ułasnaj pryrodzie i imkniecca da daskanałaści!

Mnohija ź nieciarplivaściu čakajuć studzienia — pa tradycyi vystaŭki, pryśviečanyja žyćciu i tvorčaści piśmieńnika, adkryvajucca mienavita ŭ dzień jaho naradžeńnia — 24 studzienia.

U hetym hodzie doŭhačakanuju mahčymaść praz unikalnyja ekspanaty apynucca ŭ śviecie čaraŭnika Hofmana, spynić čas i pačuć hołas piśmieńnika padoryć svaim naviedvalnikam Dziaržaŭny litaraturny muziej Janki Kupały.

Kamientary da artykuła