U 2013 hodzie Biełaruś maje spłacić pazyk u valucie na $4,3 młrd, u 2,2 razu bolš, čym u 2012

Ahulnaja suma valutnych zabaviazańniaŭ, jakija dziaržava pavinna budzie vypłacić u 2013-m, składaje $4,343 miljarda. Heta, paviedamlaje ahienctva «Interfaks», vynikaje sa spravazdačnaści Nacyjanalnaha banka pa valutnaj likvidnaści krainy na 1 studzienia 2013 hoda.

Letaś abjom valutnych zabaviazańniaŭ dziaržavy składaŭ $1,85 miljarda. Čystyja vydatki valutnych aktyvaŭ u 2013 hodzie vyrastuć u 2,3 razu proci 2012 hoda.

Havorka idzie pra zabaviazańni dziaržavy, a nie subjektaŭ haspadarańnia. Kab vypłacić takuju istotnuju sumu, urad, imavierna, budzie vymušany pajści na pryvatyzacyju dziaržaŭnych aktyvaŭ. Atrymańnie kredytu MVF u siońniašniaj situacyi małaimaviernaje, jak i restrukturyzacyja istotnaj častki vypłat.

Kamientary da artykuła