«Ludzi na bałocie»: hrodzienskija tanki zajeduć u Minsk
Hurt «Ludzi na bałocie» raspačynaje pracu nad druhim albomam pad pracoŭnaj nazvaj «Na biełych abłokach snoŭ».Jak kaža lider hurta Aleś Dzianisaŭ, reliz planujecca padzialić na dźvie častki. Usiaho ŭ jaho ŭvojdzie bolš za 20 kampazycyjaŭ na vieršy zachodniebiełaruskich paetaŭ Maryi Bazyluk-Saśniuk, Andreja Piatkieviča i Danuty Bičel. Niekatoryja z novych tvoraŭ možna budzie pačuć na redkim kancercie haradzienskaha prajektu ŭ Miensku 25 studzienia.
Hurt «Ludzi na bałocie» staŭ sapraŭdnaj sensacyjaj u biełaruskaj muzycy ŭ 2012 hodzie.Usiaho za niekalki miesiacaŭ svajho isnavańnia muzyki zajmieli svaich bahata prychilnikaŭ, z pośpiecham vystupili na festach u Biełarusi i Polščy, zapisali i prezentavali svoj debiutny albom, jaki byŭ spampavany la 1300 raz dy z anšlaham pradstavili jaho na solnych kancertach u Miensku i Horadni. Pa vynikach hodu partał Tuzin.fm nazvaŭ haradziencaŭ «Praryvam hodu», a ich albom uvajšoŭ u lik hałoŭnych dyskaŭ biełaruskaj muzyki za minuły hod.
Paśla vialikaha solniku ŭ haradzienskim teatry lalek hurt daŭ kancert u Varšavie, a zaraz źbirajecca syhrać jašče ŭ Miensku, Połacku i Viciebsku. Paralelna idzie praca nad druhim dyskam pad pracoŭnaj nazvaj «Na biełych abłokach snoŭ».Pavodle zadumy, u jaho ŭvojduć pieśni, napisanyja na vieršy zachodniebiełaruskich paetaŭ. Lider hurta Aleś Dzianisaŭ kaža, što ŭžo hatova piać piesień, a ŭsiaho ŭ albom miarkujecca ŭklučyć bolš za 20 kampazycyjaŭ i padzialić jaho na dźvie častki. Na pieršy dysk uvojduć pieśni na vieršy Danuty Bičel, užo atrymanaja asabistaja zhoda ad słavutaj haradzienskaj paetki. Na druhim dysku budzie śpiavanaja paezija pavodle tvoraŭ Maryi Bazyluk-Saśniuk i Andreja Piatkieviča, jakija adyjšli ŭžo ŭ lepšy śviet.
«Nam chočacca bolš surjozna papracavać nad aranžyroŭkami, moža być zaprasić sesijnych muzykaŭ i vakalistaŭ u asobnyja pieśni. Heta ŭsio vymahaje bahata času, tamu my nie biaremsia nazyvać dakładnyja terminy vychadu albomu». Taksama muzyki zadumali źniać klip na zahałoŭny trek z svajho pieršaha albomu — navat napisali scenar i vybrali miesca dla zdymak, ale brakuje rekvizytu, tak što pakul ideja zastajecca nierealizavanaj. Ale hałoŭnaja prablema — niedachop času. Častka muzykaŭ ź «Ludziej na bałocie» zadziejničana taksama ŭ hurcie Dzieciuki, jaki ciapier aktyŭna hastraluje pa Polščy i Biełarusi i taksama źbirajecca zapisvać studyjny albom.
25 studzienia na redkim kancercie ŭ Miensku «Ludzi na bałocie» syhrajuć pieśni z svajho debiutnaha dysku, a taksama pakažuć niekalki novych tvoraŭ.
***
25 studzienia (piatnica). 19:00. Hrafici (zav. Kalinina, 16)
Hurt «Ludzi na bałocie» z prahramaj najlepšych i novych piesień.
Košt kvitka: 60 000 rub.(papiarednie), 80 000 rub. (u dzień).
Zamova miescaŭ: +375 (29) 638-44-44, (33) 638-44-44, (25) 638-44-44.
Častka hrošaj, vyručanych za prodaž kvitkoŭ, budzie pieradadziena maci hrodzienskaha žurnalista i paeta Juryja Humieniuka, jaki trahična zahinuŭ 19 studzienia.