Brytanija vyrašyć na refierendumie, ci zastavacca ŭ Jeŭrasajuzie
Devid Kemeran: Jeŭrasajuz pavinien stać hnutkim, kab zachavacca.
Premjer-ministr Brytanii vystupiŭ z prahramnaj pramovaj na temy budučyni Jeŭrasajuza. Hety vystup mieŭ adbycca raniej, ale byŭ pieraniesieny ŭ suviazi z zachopam zakładnikaŭ u Ałžyry. Lidar kansiervataraŭ Kemeran nie chacieŭ pramaŭlać pra budučyniu na tle kiepskich navin z hazavaha radovišča ŭ Sachary.
U svajoj pramovie ŭ sieradu Kemieran paabiacaŭ praviadzieńnie refierendumu ŭ 2017 hodzie pa pytańni, ci Brytanii zastavacca ŭ Jeŭrasajuzie. Plebiscyt adbudziecca ŭ vypadku kali kansiervatary zastanucca pry ŭładzie paśla vybaraŭ 2015 hoda.
Kemieran zajaviŭ, što chacieŭ by, kab Vialikabrytanija zastavałasia ŭ ES, adnak dla hetaha sajuz pavinien źmianicca. U pryvatnaści, brytancy chacieli b abmiežavać paŭnamoctvy bruselskaj biurakratyi.