Viečaryna Valancina ŭ Domie Kołasa

12 lutaha, napiaredadni Dnia ŭsich zakachanych, Dziaržaŭny litaraturna-miemaryjalny muziej Jakuba Kołasa zaprašaje ŭsich achvotnych uziać udzieł u muzyčna-zabaŭlalnaj imprezie «Viečaryna Valancina».

Voś i nadychodzić siaredzina zimy, a razam ź joj nabližajecca data 14 lutaha. U hety dzień zakachanyja ŭsiaho śvietu dorać adno adnamu nievialikija padarunki, jakija simvalizujuć kachańnie i dalikatnyja pačućci. Ale, pahadziciesia, byvaje tak ciažka ździvić i paradavać adnačasova. Dom-muziej Jakuba Kołasa ščyra zaprašaje ŭsich achvotnych dałučycca da śviatkavańnia Dnia ŭsich zakachanych.

Vašaj uvazie prapanujecca:

— iranična-ramantyčnaje «valancinaŭskaje» vystupleńnie studentaŭ Biełaruskaha dziaržaŭnaha ŭniviersiteta kultury i mastactvaŭ z kulturnaj prahramaj da Dnia ŭsich zakachanych «Zorka kachańnia»;

— muzyka «z hłybini dušy» ad fołk-rok hurta «Alta mente» i Kaciaryny Vadanosavaj;

— śviatočnaja varažba na los i kachańnie;

— mahičny rytuał zapisu svajho zapavietnaha žadańnia za stałom Jakuba Kołasa čarniłami i piarom paeta;

— biaspłatnaja fotasiesija dla ŭsich achvotnych z udziełam prafiesijnaha fatohrafa ŭ interjerach miemaryjalnaj častki muzieja;

— ekskluziŭnyja vyraby-padarunki ad majstroŭ hand-made;

— «Napoj lubovi» i piečyva dla ŭsich.

Pačatak, a 18-j.

Cana bileta — 10 000 bieł. rub.

Adras: vuł. Akademičnaja, 5.

Teł. dla daviedak: (017) 284-17-02.

Kamientary da artykuła