Na konkursie ŭ San-Rema pieramoh 25-hadovy Marka Mienhoni + pieśnia

Hałoŭny pryz praviedzienaha ŭ 63-y raz štohadovaha fiestyvalu italjanskaj pieśni ŭ San-Rema — «Załatuju palmu» — u noč z suboty na niadzielu atrymaŭ 25-hadovy Marka Mienhoni ź pieśniaj L'Essenziale («Samaje hałoŭnaje»).

Jaho pryznali najlepšym i prafiesijnaje žury, i telehledačy.

U minułym hodzie Mienhoni vyjhraŭ konkurs MTV European Music Awards. U

San-Rema jon abyšoŭ 13 inšych śpievakoŭ, i ciapier budzie pradstaŭlać Italiju na konkursie «Jeŭrabačańnie-2013» u Šviecyi.

Fiestyval, u jakim mohuć ŭdzielničać tolki pieśni na italjanskaj movie, vykananyja ŭpieršyniu, tradycyjna prachodzić u teatry «Aryston» na mižziemnamorskim kurorcie San-Rema ŭ paŭnočnaj Italii.

Piać etapaŭ konkursu adbylisia z 12 pa 16 lutaha.

Pramuju tranślacyju ŭ efiry dziaržaŭnaha telekanała RAI štoviečar hladzieli ad 10 da 14 miljonaŭ italjancaŭ.

Kamientary da artykuła