24 lutaha — hurt «Hołaja manaška» z novaj prahramaj

Loft cafe (Broŭki, 22). 19.00.

Hieroi biełaruskaha pank-roku, hurt «Hołaja manaška» prezentuje svaju novuju prahramu «Nota Bene» pry padtrymcy pijanieraŭ biełaruskamoŭnaha post-mietału Re1ikt.

Fiedzia Žyvaleŭski — žyvy-zdarovy, znachodzicca ŭ jasnym rozumie i pa-raniejšamu moža prapanavać aryhinalny i niepaŭtorny tvorčy pradukt. Pra heta śviedčyć prahrama «Nota Bene», jakuju hurt «Hołaja manaška» źbirajecca prezentavać u miežach «Žyvoha Tuzina». U jaje ŭvajšli pieśni, napisanyja ŭ apošni hod. Zahałoŭny trek «Charošy znak» byŭ letaś prezientavany na Tuzin.fm ad imia sajd-prajektu Fiedzi «Viasiołaja manaška». Akrom aŭtarskich rečaŭ u prahramu ŭklučanyja aŭtarskija pierakłady lidara «Hołaj manaški» piesień, što vykonvali Kurt Kabejn i Jahor Letaŭ — «Dziaŭčynka» i «Kula-dura». Muzyki vyjduć na scenu Loft cafe poŭnym składam i daduć paŭnavartasny kancert. «Trešu nie budzie, budzie freš! — kaža Fiedzia. — „Nota Bene“ — heta pieśni pra žyćcio i kachańnie, u jakich raspaviadajecca pra adzin z varyjantaŭ tvorčaha šlachu. Jość mierkavańnie, što praz kachańnie ziamnoje, miłasernaść i praviednaść možna spaznać kachańnie da Boha. Prosta źviarnicie ŭvahu na toje, jak heta moža vyhladać». Pieśni, što ŭvajšli ŭ prahramu «Nota Bene» isnujuć u vyhladzie dema-zapisaŭ, u najbližejšy čas muzyki źbirajucca ich darabić i vydać paŭnavartasny albom.

Re1ikt taksama rychtuje da hetaha viečara asablivuju prahramu, kudy ŭvojduć zusim novyja, dobraviadomyja i zabytyja rečy ŭ śviežych, časam niečakanych aranžyroŭkach.

Vieści kancert budzie Aleh Chamienka, muzyka i niaźmienny viadučy radyjoviersii chit-paradu «Tuzin Hitoŭ». Nie abyjdziecca sprava biez padarunkaŭ ad siabroŭ «Tuzina Hitoŭ» — kampanii «Budźma biełarusami».

Košt kvitka — 80 000 rub. Studentam na 25% tańniej.

Kvitki možna nabyć u kasach KVITKI BY i zamović anłajn.

Zamović stolik možna pa t.: +375 29 38-000-10.

Telefon dla daviedak: + 375 29 687-20-93.

Kamientary da artykuła