Sustreča ŭ Pieciarburzie nabližajecca, a damoŭlenaści pa nafcie ŭsio niama
Biełaruskaje pasolstva ŭ Maskvie nie paviedamiła ab praryvie na pieramovach Siamaški z Dvarkovičam 11 sakavika.
11 sakavika ŭ Maskvie prajšła płanavaja sustreča pieršaha
«U centry ŭvahi byŭ šyroki śpiektr pytańniaŭhandlova-ekanamičnaha supracoŭnictva. Baki abmierkavali ŭzajemadziejańnie ŭ enierhietyčnaj śfiery, pierśpiektyvy raźvićcia kaapieracyi i sumiesnych prajektaŭ u pramysłovaści», — raspłyvista paviedamlajepres-słužba pasolstva Biełarusi ŭ Rasii.
Ničoha nie havorycca, adnak, pra dasiahnieńnie damoŭlenaściaŭ pra naftavy bałans na 2013 hod. Miž tym mienavita hetaje pytańnie, imavierna, było hałoŭnym na pieramovach.
U śniežni 2012 hoda Biełaruś i Rasija tolki ŭzhadnili bałans pastavak nafty ŭ Biełaruś na I kvartał.
Sprečka ŭźnikła paśla taho jak Rasija vyjaviła kantrabandu naftu z Rasii pad vyhladam rastvaralnikaŭ u 2011–2012 hadach. Minsk asprečvaŭ fakt kantrabandy.
Biełaruś całkam zaležyć ad pastavak nafty j hazu z Rasii jak dla ŭnutranych patrebaŭ, tak i dla pierapracoŭki na ekspart. Dachody ad ekspartu naftapraduktaŭ, vyrablenych z rasijskaj nafty, — hałoŭnaja krynica valuty dla Biełarusi.U adroźnieńnie ad Litvy, Polščy i Ukrainy, za 20 hadoŭ niezaležnaści Biełaruś nie dyviersifikavała krynic pastavak enerhanośbitaŭ.